ኢትዮጲያዊ

የደብረዘይት ልጆች አንዴት ናችሁ፡፡ እኔ ሰላም ነኝ፡፡ ከደብረዘይት ናፍቆት እና ሃሳብ በስተቀር ይመስገነው፡፡ የደብረዘይት ናፍቆት እንዴት አደረብህ ብትሉኝ ወደ ኃላ 4ት አመት ከምናምን ወራት ትመልሱኛላችሁ፡፡ ወደ ግንቦት 10፣2000 ዓ.ም፡፡ የሰርጌ እለት፡፡ ሰርጌ አዲስ አበባ ሆኖ አዳሬ ደብረዘይት ወደሆነበት እለት፡፡ ይቅርታ አዳሬ ከምል አዳራችን ማለት አለብኝ፡፡ አዳራችን የእኔና የሙሽሪት፡፡ የአሁን የልጄ እናት የወ/ሮ ሰላማዊት በቀለ፡፡ ለ 10 ቀናት በሸፈነው የጫጉላ ሽርሽራችን ወቅት ከተጠቀምንባቸው ቦታዎች መካከል የደብረዘይቱ የመኮንኖች ክበብ አንዱ ነበር፡፡ በድጋሜ ወደ ክበቡ የገባሁት ታህሳስ 14፣2005 ዓ.ም ነበር – ለስብሰባ፡፡ ከስብሰባው ሰዓት በፊት ለምሳ እዚያው መከንኖች ክበብ ታደምን፡፡ ምሳ በልተን እስክንወጣ የታዘብነው አንድ ነገር – የአስተናጋጆች ቅልጥፍናን ነበር፡፡ እጅግ ቀልጣፎች የሚመስሉ ነገርግን በተቃራኒው የሆኑ አስተናጋጆች፡፡ በአጭር ቃል የአስተናጋጁች ውብ የደንብ ልብስ እና ደምግባት ያላቸው መሆናቸው ለመስተንግዶው ደምግባትነት አልተመነዘርም፡፡ እዚህ አዲስ አበባ የሚገጥመኝ ተመሳሳይ ነገር ያስታወሰኝ መስተንግዶ፡፡ በውበታቸው የተመሰገኑ ወይንም አዲስ በሚል ስም እየተጠሩ ዘመነኞች የሚገበያዩባቸው የአዲስ አበባ ህንጻዎች አንድ የሚጎድላቸው ነገር አለ፡፡ እርሱም የህንጻው ውበት እና በህንጻው ውስጥ በተለያየ ሁኔታ የሚሰሩ ውብ ሰራተኞች በተለይም ውብ ሴቶች የአግልግሎት አሰጣጣቸው ውበተ-ቢስ መሆናቸው ነው፡፡ እንዴት ይደብራል መሰላችሁ!ምኑ? ውብ ህንጻውስጥ፣ ውብ ሰራተኞችን ቀጥሮ ግን ውብ አገልግሎቶችን መስጠት አለመቻል! መኮንኖች ቁጥር 1 በብዙ ትዝታ ውስጥ ሆኜ ገባሁ፡፡ ግን ተበሳጭቼ ወጣሁ፡፡ በተንቀራፈፈው መስተንግዶ፡፡ ምግብ አዘን እስኪመጣ የወሰደው ጊዜ፣ ገንዘብ ለመክፈል ጠይቀን ሂሳብ እስኪመጣ ድረስ ከገጠመን ጊዜ ጋር አንድ መሆኑ ነው፡፡ አንድ ነገር አዛችሁ እስኪመጣ የሚወስድባችሁ ጊዜ አንድ መጽሄት ማንበብ ከጀመራችሁ እንድታገባድዱ ሊያደርጋችሁ ይችላል፡፡ ምሳው አለቀእና ወደተከፈለበት የመሰብሰቢያ አዳራሽ አመራን፡፡ ሌላው የክበቡ መስተካከል ያለበት ገጽታ ገጠመን፡፡ የተከፈለበት አዳራሽ አልተስተካከለም፡፡ እንደተዝረከረከ ነው፡፡ ሌላ ክፍል ተቀየረ፣ በተጨማሪ ክፍያ፡፡ እኛው ቤቱን አስተካከልን፣ ወንበሩን ደርድረን፡፡ ለተለዋጩ ክፍል ተጨማሪ 200 ብር ከፍለን ወጣን፡፡ ከደብረዘይቱ መኮንኖች ቁጥር 1፡፡ የደብረዘይት ልጆች እንዴት ናችሁ፡፡ እኔ ሰላም አይደለሁም፡፡ ከደብረዘይት መልካም መስተንግዶ እጦት በስተቀር ይመስገነው፡፡ ደብረዘይትን – ደብረትጉሃን ያድርግልን፡፡ አሜን፡፡

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Tag Cloud

%d bloggers like this: