ኢትዮጲያዊ

የምሰራበት መስሪያቤት በአዲስ አበባ ውስጥ ከሚገኙት አለም አቀፍ ግብረ ሰናይ ድርጅቶች መካከል አንዱ ነው፡፡ በ ኢትዮጲያ ውስጥ ከ 50 አመት በላይ እንደሰራ፣ 50 አመቱንም በድምቀት እንዳከበረ የስራ ባልደረቦቼ ነግረውኛል፣ አንዳንድ ጽሁፎችንም አንብቤአለሁ፡፡ በድርጅቱ ከፍተኛ ቦታዎች ላይ የተቀመጡት የባህር ማዶ ሰዎች ናቸው፡፡ ይህንን ጽሁፍ በማዘጋጅበት ወቅት በከፍተኛ ያመራር ቦታ ላይ የተቀመጡት አለቆቻችን መካከል የአሜሪካ፣ የሜክሲኮ እና የኬንያ ሰዎች ይገኙበታል፡፡ የሰራተኛው ቁጥር ወደ 100 አከባቢ ነው፡፡ የባህር ማዶ ሰዎች ከ 100 ውስጥ ቢበዛ 5 ቢሆኑ ነው፡፡ ቢያንስ በወር አንዴ የጠቅላላ ሰራተኞች የስብሰባ ቀን አለ፡፡ በእዚህ ቀን ላይ እኒህ አለቆች መረጃዎችን ለሰራተኞች ያስተላልፋሉ ጥያቄዎች እና አስተያየቶችን እንሰጣለን፣ የድርጅቱን እንቅስቃሴ ለመረዳት እንችላለን፡፡

ዛሬ፣ ማርች 8 2012 101ኛው የሴቶች ቀን በሚከበርበት ቀን አንድ እማስበው እና እጠይቀው የነበረው ጉዳይ በአንዲት እንስት ሰራተኛ ተግባራዊ መሆን ጀመረ፡፡ እስከዛሬ ድርስ እኔ በተሳተፍኩባቸው ስብሰባዎች ላይ የመግባቢያ ቋንቋ ሆኖ የሚያገለግለው እንግሊዘኛ ነበር፡፡ ይህ በመሆኑም ብዙ ሰራተኞች ሃሳባችንን ለመግለጽ ስንቸገር እና ከሃሳባችን ይልቅ ስለ ምንሳሳተው የእንግሊዘኛ ቋንቋ በማሰብ ጊዜ እንደምናጠፋ አስባለሁ፣ በተደጋጋሚም አውርተንበታል፡፡ ለምን ሰው በሚገባው ቋንቋ ሃሳቡን እንዲገልጽ አይደረግም እንል ነበር፡፡ በእዚህ እለት በቅርቡ ወደ ድርጅታችን የተቀላቀለች እንስት የሴቶች ቀን በሚከበርበት ክብረ በዓል ላይ አቅርቦቷን በእንግሊዘኛ አዘጋጅቶ ገለጻውን ግን በአማርኛ አደረገችው፡፡ ሁሉም ከእርሶ በኃላ ያቀረቡ አበሾች የእርሶን ፈለግ በመከተል በ አማርኛ ማቅረበቸውን ቀጠሉ፡፡ አንድ እርምጃ ወደፊት ተራመደች፣ በእኔ እይታ፡፡

ይህ ሲባል ለአማርኛ ቋንቋ እያደላሁ ለእንግሊዘኛ ቋንቋ ያነሰ ቦታ እየሰጠሁ ሳይሆን ሰው ሃሳቡን ሲገልጽ ሌላው በደንብ ሊረዳው በሚችል እና እርሱም ሃሳቡን በደንብ ሊያቀርብ በሚችልበት መልኩ መሆን አለበት ብዬ በማሰብ ነው፡፡

አንዳንድ ጥቃቅን የሚምስሉ ነገር ግን ብዙ ተጽእኖ የሚያመጡ ነገሮች በዙሪያችን እንዳሉ አስባለሁ፡፡ቆም ብሎ በማሰብ መፍትሄ ቢፈለግላቸው መልካም ነው፡፡ ሃሳብን በተሻለ ሁኔታ ለመግለጥ በሚል ልማድን ያስቀረችውን የመስሪያ ቤቴን ባልደረባ አደነኳት፡፡ በእዚህ አጋጣሚ እንኳን ለሴቶች ቀን አደረሳችሁ እያልኩ ለሁላችሁ ሰላምን እመኛለሁ፡፡ በተለይ ለውዶ ሚስቴ ሰላማዊት በቀለ፣ በKIG እንቅስቃሴ ውስጥ ግንባር ቀደም ለሆኑት እንስቶች ኤፍራት ጳውሎስ እና እታገኝ ወልዴ፣ የስራ ባልደረቦቼ መሰረት አበበ፣ መስከረም ሹምዬ፣ አስቴር ወልደማርያም፣ አስቴር አዳነ፣ ሙሉነሽ ጉደታ፣ ጸዳሉ ታደሰ፣ መቅደስ አባተ፣ መቅደስ ላከ ማርያም፣ አይዳ ሳሙኤል፣ እና ሙሉእመቤት ቦጋለ፡፡ እግዚአብሔር ኢትዮጲያን ይባርክ፡፡ ሐብታሙ ኪታባ፣ ማርች 8፣2012/የካቲት 24፣2012፡፡ አዲስ አበባ፣ ኢትዮጲያ፡፡

ኢትዮጲያ፡፡Image

Advertisements

Who is Jesus?

Who is Jesus?

Is Jesus God? Who is Jesus, and why is it important for us to know? We live in an age of religious pluralism and moral relativism. The popular spiritual philosophy is that all religious belief systems, as long as heart-felt, are equal. That’s what many people seem to believe, but Jesus seems to teach otherwise. Therefore, we need to examine who Jesus is by looking at some of the questions people frequently ask about Him. Check them out below…

  • Gospel of John Video: Who was this Logos, who became flesh and lived among us? What did the apostle John say about Jesus Christ? Stream this short video now!
  • Blood of Jesus: Why is this idea so significant and important to the Christian? Find out its meaning here.
  • Who is Jesus Video: Why does the name Jesus Christ cause more division, agitation, and controversy than any other name? Is Jesus God? Watch this short video clip!
  • Resurrection of Jesus Christ Video: Is there proof that Jesus rose from the dead? Did the resurrection of Jesus Christ really happen? Click to stream this short video of the truth!
  • The Way, the Truth, and the Life Video: Did Jesus really claim to be the Way, the Truth, and the Life? Did Jesus make religious Truth exclusive? You gotta stream this short video!
  • Christian Persecution: Christian persecution and death were a dramatic part of early Christian history. Examine the testimonies or martyrdom for yourself.
  • Easter Origin: The death and resurrection of Jesus Christ during the Jewish holy days.
  • Resurrection Of Jesus Christ: If the basis of Christianity is Christ rising from the dead, then the historical truth of his resurrection is key.
  • Jesus’ Resurrection: An essential part of the Christian faith. Dramatic evidence for its historical veracity: extra-Biblical documentation, testimony, martyrdom and persecution.
  • Jesus Christ: What does Jesus Christ mean to you and me? What was at the heart of His ministry and sacrifice?
  • Origin Of Easter: Easter has some dubious customs, but the truth of Christ’s resurrection should be celebrated.
  • Crucifixion: The background of this graphic form of capital punishment used by the Romans and others.
  • Who Is Jesus Christ?: A hard look at the person, nature and character of Jesus. Have you really looked at the evidence?
  • Miracle Healings: What’s the buzz all about? Rather than look to the media, let’s look to the Bible. Christ’s miracles stand the test!
  • Evidence Of The Resurrection: The evidence for the resurrection of Jesus Christ is some of the most solid and compelling of all history.
  • Origin Of Christmas: Some of the traditions and ceremonies of Christmas have dubious roots, but the true message can’t be quenched.
  • Self-Fulfilling Prophecy: Is biblical prophecy truly special? Is it circular logic to use New Testament accounts to document Old Testament prophetic fulfillment?
  • Christian Religion Vs True Relationship: I’m not selling “Christian religion” here. I still believe “religion” has kept more people from God than anything else in history.
  • Crucifixion of Jesus Video: Randall Niles explores the historical record surrounding this Roman form of torture and capital punishment.
  • Crucifixion Of Jesus Christ: Study the events of Jesus death, burial, and resurrection. Why are they significant?
  • Cornelius Tacitus: From the writings of Tacitus, there’s no doubt that a sect of Jews faced hideous persecution for their belief in Christ.
  • All About Jesus Christ: Why is this man still talked about 2000 years later? What impact has he had on history and the world today?
  • Biblical Description of Jesus: What does the Bible say about who Jesus is? What description does it give? Consider these thoughts on His attributes.
  • The Case For Christ: A court case model for testing the evidence of Jesus and His profound life on earth.
  • Is Jesus God?: Why has the name “Jesus Christ” caused more division, agitation and controversy than any other name in history?
  • Miracles of Jesus Video: Randall Niles uses the famous illustration of a two-dimensional world to show the power of one extra dimension.
  • Empty Tomb: It would have been impossible for Christianity to begin in Jerusalem while the body was still in the tomb.
  • Resurrection of Christ Video: Did Jesus really raise from the dead? Randall Niles examines this remarkable evidence for the truth of the resurrection of Jesus Christ.
  • Prophecy About Jesus: One person fulfilling just a few dozen of the over 300 messianic prophecies is way beyond statistical impossibility. Check them out!
  • Resurrection Of Jesus: Concise briefing of the Resurrection based on standard rules of evidence. Discover the consistent eye-witness testimony from multiple credible witnesses.
  • The Nativity: Learn about Jesus’ birth in a stable in Bethlehem, the angels, the shepherds, and the young couple. Read the biblical story.
  • Names Of Jesus: People called Jesus by many names. Did Jesus claim to be all those titles?
  • Jewish Tradition: In the Babylonian Talmud, the formal commentary on the Jewish Laws compiled between 200-500 AD, there’s a powerful reference to Jesus.
  • What Are The Dead Sea Scrolls?: Many crucial Messianic manuscripts (such as Psalm 22, Isaiah 53 and Isaiah 61) date to at least 100 BC.
  • Amazing Miracles Video: Miracles. Randall Niles examines David Hume and the classic arguments for and against the possibility of miracles.
  • Gospel Of Luke: One of the biblical accounts of the life, ministry and sacrifice of Jesus Christ.
  • Jesus Is Lord: Do you know Jesus as your Savior? How about as your Lord and Master?
  • Miracles Of Jesus: The creator is not boxed-in by his creation. When considering the supernatural, it’s logical to “think outside the box.”
  • Parables of Jesus: The Bible is full of parables — stories that contain an implicit truth. How can you find out that truth?
  • Gospel Of St. Thomas: What does this “newly discovered” gospel of Jesus Christ really say? What doesn’t it say?
  • Amazing Miracles: How can a supernatural force alter natural law? Check out the logic for yourself.
  • Gospel Of Mark: One of the four gospel accounts in the Bible’s New Testament.
  • Second Coming Of Christ: The signs of the times. No one knows the day or the hour, but we’re asked to keep a careful watch.
  • Is Jesus God: There are really only three legitimate alternatives for the identity of Jesus Christ. He is either a liar, lunatic or Lord.
  • Gospel Of John: The account of Jesus from the perspective of “the disciple Jesus loved.”
  • Historical Jesus: Nobody can deny the fact that every leader of every major world religion has confronted the historical Jesus.
  • What Is Faith?: Faith is not about turning off the brain and merely relying on the heart, or squashing reason in favor of emotion.
  • Flavius Josephus: Eyewitness testimony to the development of Western civilization, including the foundation and growth of Christianity in the 1st Century.
  • Who Is Jesus?: A look at the foundational accounts for the person and nature of Jesus Christ.
  • Crucifixion Of Jesus: The ancient texts that record the horrific execution of Jesus Christ.
  • Jesus Praying: Learn about Jesus prayer life – why He prayed, when, and how. Did Jesus communicate regularly with His Father?
  • Resurrection Of Jesus Christ: Did Jesus Christ raise from the dead? His character, His claims and His relevance for today all hinge on this crucial issue.
  • Miracles Of Jesus: A visible testimony for Christ’s fulfillment of the Jewish prophecies. Review them all.
  • What Would Jesus Do?: Jesus taught a great deal about how we should live unselfishly. What should we do in certain situations of life?
  • Christmas Origin: Yes, we see pagan elements in the traditional Christmas celebration. However, that doesn’t change the meaning.
  • Resurrection Of Christ: What evidence is there for the central event in all of Christianity? Check it out for yourself.
  • Evidence For Jesus: When it comes to archaeology, is there any evidence for Jesus? Do we have actual sites or artifacts that testify to the historical truth of Jesus Christ?
  • Suetonius: Without bias to Christianity, here’s a letter that’s a valuable historical reference regarding the historicity of Jesus and the church.
  • Gospel Of Matthew: The historical record of the life and ministry of Jesus Christ presented for a Jewish audience.
  • Holy Monday: Why did Jesus cleanse the temple? What other events occurred on Monday of Holy Week?
  • Palm Sunday: What is the history of this day in holy week? Why is it important? What is the message?
  • Historical Jesus: The rewritten history of the teacher named Jesus who walked this earth about 2,000 years ago.
  • Gospel Of Judas: Read excerpts of this gospel and study its claims about Jesus. Is it accurate? Why is it just now surfacing?
  • Historical Jesus Video: Check out this short video answer now! Was there an historical Jesus? Can we investigate the evidence for Jesus outside the Bible?
  • Jesus Christ: Discover the events of Jesus’ life, death, and resurrection. What do they have to do with you?
  • Evidence for Jesus Video: You have got to see this short video! Stream it now! What’s the archaeological evidence for Jesus? Is there any archaeology from the time of Christ?
  • Pliny The Younger: He speaks of Christianity spreading throughout the Roman Empire and asks the procedure for persecuting followers of this “superstition.”
  • Jesus Tomb: How was the tomb described in the Bible? Why is it important in the resurrection account? Find out here.
  • Messianic Prophecies Video: Randall Niles shares 40 prophecies of a coming Messiah in the Jewish scriptures (Old Testament).
  • Jesus Is God: Find out what the Bible says about Jesus being deity. Is He equal with God? Why is it important?
  • Messianic Prophecies: Everything must be fulfilled that is written about me in the Law of Moses, the Prophets and the Psalms (Jesus).
  • Jesus Outside the Bible Video: Is there Proof for Jesus Outside the Bible? Randall Niles looks at ancient accounts of Jesus of Nazareth outside the biblical texts.
  • The Case For Christ: Simon Greenleaf, Sir Lionel Luckhoo, Lee Strobel and other legal minds compile and critically examine the evidence for themselves.
  • Jesus the Good Shepherd: What is meant by this phrase? Find out what John meant when he wrote this title for Jesus.
  • The Resurrection: What is so important about the resurrection? How does it impact each person today? What do believers posses because of the resurrection?

ቀን መቅጡሪያ ይዤ

ቀኑንም ቆጥሬ፣ ደምሬ ቀንሼ

ቀኔንም አውቄ፣ በትዝብት ቆዝሜ

የማደርገው ባጣ ጊዜውን አኩርፌ፣ በዝምታ ሆኜ

ላረጋግጥ ፈለኩ፣ላምነው ተቸግሬ

ተነሳሁ ልደምር፣ ልቆጥር ደግሜ

ደግሜ ቆጥሬ፣ ደግሜ አስልቼ

ደግሜ ዝም አልኩኝ፣ ዳግም በመቁጠሬ፡፡

መደመር መቀነስ፣ ማባዛት ማካፈል

ደውል ተደወለ፣ ሰልፍም ተካሄደ

መዝሙር ተዘመረ፣ባንዲራም ከፍ አለ

ተማሪው ገባና፣መምህሩ ደረሰ

***    ***   ***   ****

ትምህርት ተጀመረ፣ እውቀት ተላለፈ

መደመር መቀነስ፣ ከሁሉ ሰረጸ

ሲደመር ሲቀነስ፣ ሲቀነስ ሲደመር ጊዜው ነጎደ…ጊዜው አለቀ

***    ***   ***   ****

መምህሩ ፈገገ፣ ደግሞም እዝን አለ

ማባዛት፣ ማካፈል ሳያስተምር ቀረ…ጊዜያው አለቀ

የዋሁ ተማሪ በደስታ ጨፈረ፣ በደሰታ ሰከረ

ለምን ከተባለ

በቃ…ተመረቀ

በቃ…ሱፍ ለበሰ

በቃ…ተመረጠ

በህዝብ ጉዳይ ላይ መናገር ጀመረ

***    ***   ***   ****

ማለዳ ሰመነው፣ ቀትርም አየነው፣ ምሽት አነበብነው

የስሌቱን ውጤት ሚዲያ ዳሰሰው

ሚዲያ ደመረው፣ ሚዲያም ቀነሰው

ዳግም እንዲደምር፣ ዳግም እንዲቀንስ በደንብ አስተማረው

ማባዛት ማካፈል ለምን ሊበጀህ፣ ለምንህ ሊሆንህ ብሎም አሳመነው፡፡

***    ***   ***   ****

ቋንቋን አደባልቆ፣በድብልቅ ቃላት በጽልመት ተናግሮ

ከአሁኑ ተጣልቶ፣ በአሁኑ ተመስጦ

ሲደምር ሲቀንስ ዘመኑን የፈጀ

ብዜት ማካፈልን በእርግጥ ያላወቀ

በርከት ያለትውልድ መንገድ ላይ ቀረ፡፡

ሐብታሙ ኪታባ

ጁን 21፣ 2011/ሰኔ 14፣2003 ዓ.ም

ብዙሃኑ የሚራመዱበት መንገድ ትክክል የሚመስላቸው ሰዎች ብዙ እንደሆኑ በቅርብ ቀናት ውስጥ የሰማሁት አንድ የራዲዮ ፕሮግራም አስታወሰኝ፡፡ ‘በእርግጥ ነውን?’ ብዬም አሰብኩ፡፡ ትዝ አለኝ በእንዲህ አይነት አስተሳሰብ የሚራመዱት የተቃወሙትን፡፡ የተቃወሙት ከአጭበርባሪዎች ጋር በመታየቱ፣ አመንዝሮችን እንደ ሙሉ ሰው ቆጥሮ አብሮቸው ጊዜ መውሰዱ፣ እና ሌሎችም መሳይ ጉዳዮች ላይ መታየቱ ነበር፡፡ ከእነዚህ ጋር መታየትን እንደ መነውር የሚቆጥሮ አብዛኞች ተቃወሙት፡፡ ግርም ተሰኙበት፡፡ “መድሃኒት የሚያስፈልጋቸው እንደ ታመሙ ለሚቆጥሩ ነው እንጂ ለጤነኞች አይደለም” ብሎም መለሰላቸው ለተቃወሙት፡፡ አብሮቸው የዋሉትን፣ በተገለጠ ኃጢአታቸው ተመልካች ያጡትን ደግሞ “ደግማችሁ ኃጢአትን አትስሩ” ይላቸው ነበር፡፡ ለመሆኑ እርሱ ማን ነው? እርሱም ለተቀበሉት እና ለተከተሉት መድኃኒት የሆነው ደግሞም የሚሆነው ኢየሱስ ክርስቶስ ነበር፡፡ እርሱ ኃጢአትን ይጠላል ግን ኃጢአተኛን ይወዳል፡፡ ኃጢአተኛውን ና ይላል… ወዳጅ እንዲሆነውም ይጋብዛል … ከኃጢአት እንዲመለስም ይመክራል … ደግመህ ኃጢአትን አትስራም ይላል፡፡ ደግመሽ ኃጢአትን አትስሪም ይላል፡፡ እርሱ የሰማይ እና የምድር ፈጣሪ፣ ወደ ዘላለም ሕይወት መድረሻ ብቸኛው ምንገድ ነው፡፡ ኢየሱስ … ኢየሱስ … ኢየሱስ ክርስቶስ፡፡ ለሁላችሁ የገና ሥጦታዬ የበአሉ ምክንያት የሆነውን እንድታውቁት እና ከእርሱ ጋር ሕብረትን እንድታደርጉ ነው፡፡ ተወደናል፡፡ ለፍቅሩም ምላሽ እንወስን፡፡

ዘወትር በአዲስ አበባዋ ሜክሲኮ ባለፍኩ ቁጥር ስለ ሰው ልጅ በቁጥር መብዛት አስባለሁ፡፡ ወደ ሜክሲኮ ብቅ ያለ ሰው የሚመለከተው የሰው ግርግር እና የመኪናው ትርምስ አለም ሁሉ ሜክሲኮ የተሰበሰበ ያስመስለዋል፡፡

አንድ ቀን በትርምስ ውስጥ ያለውን ሰው ፊት ለማየት ፈለኩ ከታክሲ መቆሚያ ጥግ ጋር ቆሜ የእያንዳንዱን ሰው ፊት ለማየት ሞከርኩ፡፡ በአሁን ሰአት ይህ ሰው ምን ያስባል፣ በአሁን ሰአት እቺ ሰው ምን ታስባለች በሚል ጥያቄ የሰዎችን ፊት ለማየት ሞከርኩ፡፡ አንዳንዱ ከመቸኮሉ የተነሳ የመኪና ጎማን ከቁቡ ሳይቆጥር ከመኪና ጋር ትከሻ ለተከሻ ይተሻሻል፣ አንዳንዱ እጅግ በተመስጦ ሃሳብ በሚመስል ሁኔታ በዙሪያው ያለውን ሁሉ እረስቶ ወደ ጉዳዮ ይፈጥናል፣ አንዳንዱ ፊቱን ከስክሶ ይጎዛል፣ አንዳንዱ በቡድን እያወራ ያልፋል፣ አንዳንዱ ከንፈሩን እያንቀሳቀስ ከእራሱ ጋር እየተማከረ ያልፋል፣ አንዳንዱ የቀጠረውን ሰው ለማየት ዙሪያ ገባውን ይቃኛል… በመሃል ሜክሲኮ…

በእዚህ ሁሉ ግርግር መሃል፣ አንድ ነገር አሰብኩ፣ አሁን እንደው ማን ይሞት ከእዚህ ሁሉ ሰው ስንቱ ይሆን ከሞት በኃላ ስላለው ህይወት የሚያስብ፣ እንደ ፈጣሪ ምሪት ለመመላለስ የሚጨክን፣ የዘላለሙ ጉዳይ የሚያሳስበው ስለ ጠይኩ፡፡ እኔም ከእራሴ ጋር እያወራሁ ነውና ከንፈሬን ሳላንቀሳቀስ የቀረሁ አይመስለኝም፡፡ መልሼ አሰብኩ፣ አሁን እኔ አንዱን ሰው ጠጋ ብዬ ወንጌል ልነግረው ባስብ የሚሰማኝ ይኖር ስል ደግሞ አሰብኩ፡፡ በፍጹም በእዚህ ግርግር መሃል ማንም አይሰማኝም ስል መልሼ ለራሴ አወራሁ፡፡ ግን ወዲያው የአንድ ቀን ገጠመኝ ትዝ አለኝ፡፡ አንድ ቀን ከ ቄራ መስመር ወደ ሜክሲኮ እየተራመድኩ… መቼስ እየነዳሁ ለማለት መኪና ያስፈልጋል… አዋ እየተራመድኩ አንዴት ወጣት አንድን ሰው ወንጌልን እየነገረች ወደ ሜክሲኮ ሲሄዱ አይሁ፣ እኔም ወንጌልን ሰምቼአለሁ፣ በአቀራረቦም ተመስጬአለሁ፡፡ ስለዚህ በእዚህ ግርታ ውስጥ ሰዎች ወንጌልን ሊሰሙ ይፈቅዳሉ ማለት ነው፡፡ ግን አይመስለም፣ ምክንያቱም ሰው ፊቱን አኮሳትሩ ሲባትል አስፈሪ ስለሚመስል፡፡

የሆነው ሆኖ ሃሳቤን ቀጥልኩ በእርግጥ አዎ ሰዎች ኑሮ ሲከብዳቸው፣ እምነታቸውን ሲሰረቅ፣ ከዙሪያቸው ካሉት ያነሱ ሲመስላቸው፣ አንድን ነገር ለመያዝ ሲጥሩ … ብዙ ሊመሰጡ… ብዙ ከእራሳቸው ጋር ብቻ ሊሆኑ… ብዙ ፊታቸውን ሊያኮሳትሩ … ብዙ ዙሪያቸውን ሊረሱ ይችላሉ… ግን ጆሮ ሆሉ ቢያሳክከውም ሊሰማው የሚገባ አንድ እውነት አለ መዳን በኢየሱስ ክርስቶስ ብቻ መሆኑ፡፡

ይመስላል

  • ይመስላል ብዙ አመት በምድር ላይ ስለቆየን የዘላለሙ መጀመሪያ የራቀ
  • ይመስላል አመጻ በእየስፍራው ስለ በዛ እግዚአብሔር ምድርን የተዋት
  • ይመስላል ምድራዊ አመለካከት የሰማዩን ያሸነፈው
  • ይመስላል የዛሬው መልካችን፣ ገንዘባችን፣ አውቀታችን ነገ እንደምናገኘው
  • ይመስላል ለወንጌል የተሰደዱ ተሸናፊዎች የሆኑ
  • ይመስላል ….

ግና ግን

  • አመጸኛው አመጹን አንድ ቀን ሊያበቃ፣ የክብር ጌታ ሊገለጥ፣ በጎቹ ከፍየሎች ሊለዩ፣ የዘላለሙ መጀመሪያ ሊጀመር ግድ ነው፡፡ ነገሩም ወደ ፍጻሜው እየቸኮለ ነው፡፡

ሃሳቤ እና ልቤ

እዚያው በግርግሩ በሚክሲኮ አደባባይ ይህን አሰብኩ … በቀደም በሸገር 102.1 የሰማሁትን፡፡ ፕሮግራሙ የተላለፈው ለ 2004 ዓ.ም ዋዜማ አከባቢ ነው፡፡ ጋዜጠኛው የተለያዩ የአዲስ አበባ ነዎሪዎችን ስለ 2003 ዓ.ም ጠየቀ… አመቱ እንዴት አለፈ ብሎ፡፡ ሁሉም አንድ አይነት መልስ እንዲመልሱ የታዘዙ ይመስል ሁሉም የመለሱት አንድ አይነት ነበር፡፡ አሉ ኑሮውን አልቻልነውም፣ አሉ እንጀራ በልተን ለማድር ተቸገርን፡፡ ኑሮዎ የሚያንገላታው ህዝብ ከእንግልቱ እስካልወጣ ድረስ መንገድ ላይ እየሄዳ በሃሳብ መዋጡ፣ መንገዱን እረስቶ ሌላ መንገድ ውስጥ መግባቱ የሚጠበቅ ነው፡፡ ይህ ሁኔታ እኔን አንድ ሃሳብ ውስጥ ጨመረኝ፡፡ ብዙ ለማግኘት ሰው እየሮጠ፣ የገንዘብ ምንጩን ለማስፋት እየባተለ እያለ እንዲህ ኑሮውን መቋቋም ካቃተው እከሌና እከሊት እንዴት ሊሆኑ ነው ብዬ አሰብኩ፡፡ ጥቂት የማይባሉ አከሌዎችን ከአዲስ አበባ ውስጥ እና ከአዲስ አበባ ወጪ ካሉ ስፍራዎች አሰብኩ፡፡ አሳቤን ገፋሁበትን፣ ወደ ልቤ ይተመስጦ ክፍል ይዤቸው ገባሁ፡፡

አንድ ቀን አራት ኪሎ ቱሪስት ሆቴል ፊትለፊት ካሉ የታክሲ ተራዎች መካከል ከአገኘሁት 7ት አመት ያለፈውን አገልጋይ ወዳጄን አገኘሁት፡፡ ይህ አገልጋይ ወንድም ድሮ ሳውቀው ከሚስቱ ጋር ሆኑ ወደ ከተማ በመውጣት ወንጌልን የሚሰብክ ለወንጌል ልቡ የተቃጠለ ሰው ነበር፡፡ ዛሬ ሳገኘው ያልቡ ከእርሱ ጋር ነበር ግን በፈተና ውስጥ እጅግ የተጠመደ ልብ ሆኗል፡፡ ፊቱ ላይ ያየሁት የታሸገ ቁስል ምንነት ስጠይቀው ከቀናት በፊት ወንጌል ሲሰብክ በተወረወረ ድንጋይ እንደተፈነከተ ነገረኝ፡፡ ጥቂት ከተወያየን በኃላ ከፊቱ ላይ ብዙ ነገር አነበብኩ… እርሱም ያነበብኩትን አረጋገጠልኝ… በአገልጋይ ደሞዝ ኑሮን ሊገፋው እንዳልቻለ ነገረኝ… ከ 20 አመት በፊት የተቀበለውን ዲፕሎማ ይዞ ወደ ገብያ ለመግባትም እያሰበ መሆኑን አጫወተኝ፣ ስራ የሚገኝ ከሆነ እንድነግረውም ጠየቀን … እርሱን እያሰብኩ ወደ መኪና ውስጥ ገባሁ፡፡ ከእራሴ ጋር ብዙ አወራሁ የእዚህ ሰው ወደ ስራ መግባት እና አለመግባት፡፡ በከተማ ውስጥ ወንጌልን እየተዘዋወሩ መስበክን ማቆም እና አካውንታንት መሆን፡፡

መኪና ውስጥ ሆኜ ሃሳቤን ቀጠልኩ፣ በሃሳብ ከአዲስ አበባ ወጥቼ ለ ሦስት አመት ወደ ሰራሁበት የእነሞርእና ኤነር ወረዳ ተጎዝኩ፡፡ እነሞር እና ኤነር የሄድኩት ወርልድ ቪዥን በሚባል ድርጅት ተቀጥሬ ነበር፡፡ እዚያ በነበርኩበት ወቅት ከተመለከትኩት ነገሮች አንዱ የአገልጋይ ቤተሰቦች ጉስቁልና ነው፡፡ አንድ ቀን የወረዳው ዋና ከተማ በሆነችው በጉንችሬ ከተማ ውስጥ ከምትገኘው የጉንችሬ ሙሉ ወንጌል ቤተ ክርስቲያን ወንጌላዊ ከሆኑት ከወንጌላዊ ክፍሌ ጋር ስለ አገልጋዮች ሁኔታ ስንጫወት የኑሮው ጉስቁልና በወረዳው ባሉ አገልጋዮች ላይ እየከበደ እንደመጣ አንዳንዶቹም አገልግሎቱን ጥለው ወደ አዲስ አበባ ለንግድ እንዲሁም ቤተ-ክርስቲያን ውስጥ ለመቀጠር እንደሚሄዱ ነገሩኝ፡፡

አኒህ ሁለት አገልጋዮች አይተዋወቁም የአዲስ አበባው ባለ ዲፕሎማ እና የጉንችሬው የሁለተኛ ደረጃ የደረጃ ተማሪ ባለ ሰርተፍኬት፡፡ እኔ ግን አውቃቸዋለሁ፡፡ እኒህ ወዳጆቼን ሁለት ነገሮች አንድ ያደርጋቸዋል ሁለቱም ሥራቸው ወንጌልን ማገልገል ነው፣ ሁለቱም በኑሮው ማእበል እየተንገላቱ ነው፡፡ አንዳንዴም ማእበሉ ገዝፎ ወደ ሌላ ስርአት ውስጥ የሚተፋቸው ይመስላቸዋል፡፡ እም…ከአእምሮ አልፎ ወደ ልብ የሚገባ ትካዜ በብዙ ወንጌላውያን፣ ሚስዮናውያን፣ አባቶች እና እህቶች… ልብ ውስጥ አለ… በእርግጥ መፍትሄ ይሻል…

የተሳፈርኩበት የአራት ኪሎ ታክሲ ፒያሳ ሊደርስ ሲል እንደመባነን ብዬ ከሃሳቤ ተመለስኩ ወዲያው ከፍዬ ወረድኩ እና ወደ ሌላ ታክሲ ገባሁ፣ ጉዞዬ በ ጳውሎስ መስመር ወደ ሚገኘው ቢሮዬ ነው፡፡ በእዚህ መስመር ላይ ከሚጠሩት የመዳረሻ ስሞች መካከል ጳውሎስ እና ፓስተር ይገኙበታል፡፡ ከሁለቱ ስሞች በስተጀርባ ሁለት የወንጌል አገልጋይ የነበሩ፣ አገልግሎታቸውን በድል ጨርሰው ያለፉ ሰዎች አሉ፡፡ እኒህ ስዎች ሳስብ በደስታ አስባቸዋለሁ፡፡ ጳውሎስ … የክርስቶስ አማባሳደር ሆኖ ያለፈው ሐዋርያው ጳውሎስ ነው፡፡ ፓስተር… በሚስዮናዊው ዶ/ር ላምቤ ሃሳብ አፍለቂነት የተመሰረተው የምርምር ተቋም፡፡ ዶ/ር ላምቤ ከ ፓስተር ተቋም በተጨማሪ ለቀይ መስቀል ወደ ኢትዮጲያ መግባት ምክንያት የነበሩ ሰው ናቸው፡፡ ታዲያ የገባሁበት ታክሲ እኒህን ሁለት ስሞች እየጠራ ሲሄድ የእኒህን ወንድሞቼን ታሪክ አስብ እና በጀግንነታቸው እደሰታለሁ … በሐዋርያው ጳውሎስ እና በሚስዮናዊው ዶ/ር ላምቤ፡፡ እኒህም  ሁለት ሰዎች የሚያመሳስላቸው ሁለት ነገር አለ፡፡ እርሱም የክርስቶስን ወንጌል ለሰዎች ለማድረስ የከፈሉት ዋጋ ሊጠራ የሚችል መሆኑ እና አገልግሎታቸውን በድል ያጠናቀቁ መሆናቸው፡፡ ሐዋርያው ጳውሎስ የደረሰበትን መከራ ስናስብ ሰው መሆኑን ልንጠራጠር እንችል ይሆናል፡፡ ግን እንደ እኛው ሰው ነበር፡፡ እስኪ በ ሁለተኛ ቆሮንቶስ የተጠቀሰውን እንመልከት፡፡ 2ቆሮ 11፡23-28

23 በድካም አብዝቼ፥ በመገረፍ አብዝቼ፥ በመታሰር አትርፌ፥ በመሞት ብዙ ጊዜ ሆንሁ።

24 አይሁድ አንድ ሲጎድል አርባ ግርፋት አምስት ጊዜ ገረፉኝ።

25 ሦስት ጊዜ በበትር ተመታሁ፤ አንድ ጊዜ በድንጋይ ተወገርሁ፤ መርከቤ ሦስት ጊዜ ተሰበረ፤ ሌሊትና ቀን በባሕር ውስጥ ኖርሁ።

26 ብዙ ጊዜ በመንገድ ሄድሁ፤ በወንዝ ፍርሃት፥ በወንበዴዎች ፍርሃት፥ በወገኔ በኩል ፍርሃት፥ በአሕዛብ በኩል ፍርሃት፥ በከተማ ፍርሃት፥ በምድረ በዳ ፍርሃት፥ በባሕር ፍርሃት፥ በውሸተኞች ወንድሞች በኩል ፍርሃት ነበረብኝ፤

27 በድካምና በጥረት ብዙ ጊዜም እንቅልፍ በማጣት፥ በራብና በጥም ብዙ ጊዜም በመጦም፥ በብርድና በራቁትነት ነበርሁ።

ይላል ጳውሎስ የደረሰበትን ሲዘርዝር፡፡ በእዚህ ሁሉ ድካም ውስጥ ቢያልፍም እጁን ግን አሳልፎ አልሰጠም፡፡ እንደውም …

28 የቀረውንም ነገር ሳልቆጥር፥ ዕለት ዕለት የሚከብድብኝ የአብያተ ክርስቲያናት ሁሉ አሳብ ነው። ከድካሙ ባሻገር የሚከብድበት የእግዜአብሔር ቤት ጉዳይ እንደሆነ ይገልጻል፡፡ ጳውሎስ በሕይወቱ የመጨረሻው ምእራፍ የገጠሙት ፈተናዎችም አጅግ ቢበዙም ሩጫውን በድል ጨርሶል፡፡ ለ ጢሞቲዎስ በላከለት ደብዳቤው ላይ ከገለጸው ይህን እንረዳለን፡፡ 2 ጢሞ. 4

6 በመሥዋዕት እንደሚደረግ፥ የእኔ ሕይወት ይሠዋልና፥ የምሄድበትም ጊዜ ደርሶአል።

7 መልካሙን ገድል ተጋድዬአለሁ፥ ሩጫውን ጨርሼአለሁ፥ ሃይማኖትን ጠብቄአለሁ፤

8 ወደ ፊት የጽድቅ አክሊል ተዘጋጅቶልኛል፥ ይህንም ጻድቅ ፈራጅ የሆነው ጌታ ያን ቀን ለእኔ ያስረክባል፥

ዶክተር ላምቤም በኢትዮጲያ ውስጥ ወንጌልን ለማድረስ እጅግ እንደተጉ፣ በብዙ መከራ ውስጥም ስለ እርሳቸው የተጻፉ መጽሃፍት እና ሌሎች ጽሁፎች ይጠቅሳሉ፡፡

ዛሬ ሐዋርያው ጳውሎስ የለም፣ ዛሬ ዶ/ር ላምቤ የሉም፣

የዛሬ ባለ አደራ የወንጌል አገልጋዮች የእነሞሩ እና ኤነሩ ወንጌላዊ እና የአዲስ አበባው ባለ ዲፕሎም ሚስዮናዊ ናቸው፡፡ አንዲሁም ጸሃፊው እና አንባቢው፡፡

ከ ፒያሳ ተንስተው በቢሮዬ በር ላይ እያለፉ የሚሰሩት ታክሲዎች ጳውሎስ፣ፓስተር፣ መድሃኒያለም … እያሉ ዛሬም ይጣራሉ፡፡ የአለም መድሃኒት ለመሆን የመጣውን ኢየሱስ ክርስቶስን ተቀበልው፣ በመልእክቱ አምነው፣ በእርሱ ብቻ መዳን አለ ብለው በማስተማራቸው የመጣባቸውን መከራ የተቀበሉትን የእምነት አባቶችን ጳውሎስ እና ላምቤን እየጠሩ ይውላሉ፡፡

እናም በታክሲው ውስጥ ገብቼ ሃሳቤን ቀጠልኩ ሦስተኛው ሰው ብቅ አለ ሌላኛው የወንጌል አገልጋይ፡፡ ሌላው በእንሞር እና ኤነር ውስጥ የሚገኝ የቃለ ህይወት ቤተ-ክርስቲያን ወንጌላዊ ይህ ወንጌላዊ ሊጎበኘኝ ሲመጣ ሁሌም ስላደረገው ጫማ ይሳቀቅ ስለነበር አንድ ቀን አንዱን ጫማዬን አንስቼ ሰጠሁት፡፡ ከፊቱ ላይ ከፍተኛ ደስታ አየሱ፣ ከጫማው ሌላ የሰጠሁት ነገር አለ እንዴ ብዬም ተጠራጠርኩ፡፡ ግን አልነበረም፡፡ ልቤ አዘነ፡፡ ምክንያቱም ጥቂት ለማይባሉ ሰዎች በቀላሉ ሊገኝ የሚችል ለእዚህ ሰው ግን ከባድ ነው፡፡ ከእዚያ ቀን በኃላ በተለያዩ ፕሮግራሞች ላይ አግኝቼው አውቃለሁ ያቺን ጫማ አድርጎ አየዋለሁ፣ መቼ ይቀይራት ይሆን…

ይህ ወንጌላዊ ያንን እንደውለታ አድርጎ አዲስ አበባ ከገባሁ በኃላ አንድ ቀን ደወለልኝ … መልእክቱ ከሰል ሊልክልኝ እንዳሰበ እና እንዴት አድርጌ ከሚያመጣለኝ ሰው እንደምቀበል ነበር …

ዶ/ር ለምቤ ሆኑ ሐዋርያው ጳውሎስ በሚያገለግሉበት ጊዜ ከአጠገባቸው ሆኖ በገንዘብ የሚረዳቸው ሰዎች እንደነበሩ እርግጥ ነው፡፡ ጳውሎስ የፊልጲስዮስ ሰዎችን የሚያመሰግንበት አንዱ ነገር፣ ከጉድለታቸው መስጠታቸውን በማሰብ ነበር፡፡

ፊልጲስዩስ 4

15 የፊልጵስዩስ ሰዎች ሆይ፥ ወንጌል በመጀመሪያ ሲሰበክ፥ ከመቄዶንያ በወጣሁ ጊዜ፥ ከእናንተ ብቻ በቀር ሌላ ቤተ ክርስቲያን በመስጠትና በመቀበል ስሌት ከእኔ ጋር እንዳልተካፈለች እናንተ ደግሞ ታውቃላችሁ፤

16 በተሰሎንቄ እንኳ ሳለሁ፥ አንድ ጊዜና ሁለት ጊዜ ያስፈለገኝን ሰዳችሁልኝ ነበርና።  በማለት ይጸፍላቸዋል፡፡

ኢየሱስ ክርስቶስ በምድር ላይ በነበረ ጊዜ አገልግሎቱን የሚደግፉ፣ በገንዘባቸው የሚያገለግሎት እንደነበሩ ሉቃስ ለቲዎፍሎስ እንዲህ ሲል ጽፎለታል

የሄሮድስ አዛዥ የኩዛ ሚስት ዮሐናም ሶስናም ብዙዎች ሌሎችም ሆነው በገንዘባቸው ያገለግሉት ነበር።”  ሉቃስ 8፡3

አዎን በምድራችን ኢትዮጲያ ያለውን የወንጌል እንቅስቃሴ ከማፋጠን አንጻር በአንድነት ልንቆም፣ ልንተባበር ይገባል፡፡ ይህ መተባበር በብዙ መልኩ ይገለጻል ጊዜያችንን ከጊዜ ሌባ በመጠበቅ ስለ አገልጋዮች በመጸለይ፣ ለወንጌል እንቅስቃሴ ከጉድለታችን በመስጠት፣ አገልጋዮቻችንን በማበረታት እንዲሁም በእውቀት በማስታጠቅ፡፡

መቀበል የሚችል ሁሉ፣ መስጠት መቻል ይኖርበታል የሚል እምነት አለኝ፡፡ ለመስጠት ደግሞ በስራ ልንበረታ ይገባናል፡፡ ብዙ ለመስራት ጊዜዬን ለመጠቀም እሞክራለሁ፣ ምክንያቱም ብዙ መስጠት ስለሚኖርብኝ፡፡

ቢሮ ደርሼ ከሃሳቤ መለስ ብዬ አብረውኝ ዩንቨርስቲ ይማሩ ከነበሩ ምሩቃን ጋር የጀመርነውን እንቅስቃሴ በተመለከተ በኢ-ሜል የመጡ መልእክቶች እንዳሉ ብዬ kigethiopia@gmail.comን ከፍቼ መልእከቶቼን አነበብኩ፡፡ አመራር ቡድኑ በቀጣይ ስላለው ስብሰባ አጀንዳዎችን ቀረጽኩ፡፡ ወደ facebook በመምጣት ወገኖች ወደ እንቅስቃሴው እንዲመጡ የሚጋብዝ መልእክቱ አስተላለፍኩ፡፡ ወደ www.kigethiopia.webs.com በመሄድ ድህረ ገጻችንን ኪንግደም ኢንቨስትመንት ግሩፕን /KIG/ን ጎበኘሁ፡፡ የእንቅስቃሴያችን አላማ በተለያዩ የሥራ ዘርፎች በመሰማራት የአባላትን ገቢ መጨመር እና ከምናገኘው ገቢ ከ 1-10% ለሚስዮናዊ የወንጌል እንቅስቃሴ መስጠት ነው፡፡ ከእኛ ድርጅቶች የሚገኘውን ገንዘብ በመያዝ ከሌሎች ድርጅቶችም እንዲሁም ግለሰቦች የሚገኘውን በመጨመር የወንጌል እንቅስቃሴ ደጀን መሆን ራእይ ያደረገው ድርጅት ሚሽን ፈንድ ኢትዮጲያ የሚሰራውን ስራ ለመመልከት እንደ አጋር ድርጅት ድህረ ገጹን www.missionfund.webs.com ን ጎበኘሁ፡፡

በሚሽን ፈንድ ድህረ-ገጽ ላይ የሰፈረው ብዙ ተስፋ እንዳደርግ አደረገኝ፡፡ ተስፋ ደግሞም የሚሆን፡፡ የወንጌል አገልጋዮች ስለሚበሉት ሆነ ስለሚለብሱት ሳይጨነቁ በወንጌሉ ስራ ላይ የሚያተኩሩበት ስርአት ህይወት ኖሮት ማየት፡፡ ተስፋ ደግሞም የሚሆ፣ በኢትዮጲያ ለሚሆነው የወንጌል እንቅስቃሴ እያንዳንዱ አማኝ ደጀን ሲሆን፡፡ ደጀን ያገኙት አገልጋይ ሚስዮናውያንም በኢትዮጲያ ዙሪያ የከበቡትን ሙስሊም ሀገሮች በወንጌል ብርሃን ሲተዋወቁ፡፡ ተስፋ ደግሞም የሚሆን፣ ክርስቲያኖች በጠንካራ ሰራተኝነታቸው የሚታወቁበት ወቅት ሲመጣ፡፡

እኛ የኪንግደም ኢንቨስትመንት ግሩፕ እና የሚሽን ፈንድ ኢትዮጲያ አባላት ኢትዮጲያችን አንድም ወንጌል ያልሰማ ሰው እንዳይገኝባት ተስፋ አደረገን፡፡ ሚስዮናውያንን ልንረዳ፣ የሚሽን ፕሮጀክቶችን በገንዘብ ልንደግፍ፣ ወንጌል ያልገባባቸውን ቦታዎች በማጥናት ከሌሎች ወንድሞቻችን እና እህቶቻችን ጋር በመሆን ሚስዮናውያንን ለማሰማራት ተስፋ አደረግን፡፡ ደግሞም እንዲሆን አመንን፡፡ ተጨማሪ መረጃ ለማግኘት በ 0911-91-33-11 ወይንም በ 0911-75-00-90 ይደውሉ፡፡ ሙሉ ሰላም በኢየሱስ ክርስቶስ እንዳለ ስለ ቀመስን፣ በእርሱ ሰላም ተባረኩ እንላለን፡፡ ይህ ጽሁፍ የተዘጋጀው በእንቅስቃሴው መሪ በ ሐብታሙ ኪታባ ነው፡፡ ክብር በሰማይ እና በምድር ከጨለማ አውጥቶ ብርሃንን ላሳየን ለታረደው በግ፣ ለኢየሱስ ክርስቶስ ይሆን፡፡ አሜን፡፡

ከ አንድ አመት በፊት…

በእዚህ ጽሁፍ ጥቂት የማደንቃቸውን አስደናቂ በሚል መጠሪያ ልጠራቸው የወደድኩትን ሰዎች ለመግለጽ እሞክራለሁ፡፡ እኔህ ሰዎችን በተደጋጋሚ አስባቸው የነበረው የዛሬ አንድ አመት ገደማ ነበር፡፡ ተራ በተራ እያሰብኩ ስደነቅባቸው… ስለ እነርሱ ለሌሎች ሳወራ ነበር፡፡ ዛሬ ግን በወረቀት ላይ በጥቂት ፊደላት ልገልጻቸው ፈለኩ፡፡ የተደነቁት በእኔ ብቻ አይመስለኝም … በታላቁ መጽሐፍ ተድነቀዋልና ማድነቄ የበረታ ነው፡፡

ወቅቱ…

ወቅቱ አለማችን ከታእምራት በላይ የሆነውን ታእምራት የሆነውን ታእምራት ያስተናገደችበት ወቅት ነበር፡፡ አምላክ በሰው አምሳል የተወለደበት ወቅት፡፡ አምላክ ሁሉን መሆን እንደሚችል በተግባር ያሳየበት ወቅት፡፡ ይህንን ወቅት ቁልጭ አድርጎ የሚያስራዳው መጽሐፍ ቅዱስ ቀጥሎ ስለማነሳቸው አስደናቂ ሰዎች በቂ የሆነ መረጃን አስፍሮ አንብቤያለሁ…

ከማን ልጀምር…?

አሁን አንባቢው እኒህን ሰዎችን እያሰባቸው ይሆናል፡፡ የጽሁፉ ርእስ “በሁለት ኪዳናት መካከል የነበሩ አስደናቂ ሰዎች” ስለሚል ሰዎች ላይ ማተኮሬ እሙን ነው፡፡ እኒህ ሰዎች ጥቂት አይደሉም፣ ሁሉም በስማቸው እከሌ ና እከሊት ተብለው እልተጠሩም፣ … በጥቅል ስም የተጠሩ ቢኖሩም፣ በግል ስም የተጠሩም አሉም… እኒህ ሰዎች ወንድም እንዲሁም ሴትም አለባቸው፣ ወጣት፣አዛውንትም አለባቸው… ታዲያ ከማን ልጀምር… በእድሜ ደረጃ ከመሄድ በሰዎች ዘንድ ካላቸው ታዋቂነት አንጻር እኔ እንደማስበው ተራበተራ ልመለከታቸው አስብኩ….

በታዋቂነት ደረጃ ላስቀምጣቸውና ተራ በተራ ከህይወታቸው ውስጥ አድንቆትን እንድሰጣቸው ያደረገኝን የሕይወት ዘመን ጉዞ አሻራቸውን ላስቀምጥ፡፡ እነርሱም እኒህ ናቸው ማርያም (የኢየሱስ እናት)፣ ዩሴፍ (የማርያም እጮኛ)፣ ዩሐንስ (መጥምቁ)፣ ስምኦን (ካህኑ)፣ ዘካርያስ (የዩሐንስ አባት)፣ ኤልሳቤጥ (የዩሐንስ እናት)፣ ሐና (ነቢይቱ)፣ እርኞች፣ ሰብአ ሰገል…

ሁሉንም በጥልቅት ለመመልከት አላሰብኩም፡፡ አንዳንዶቹን ሰፋ፣ አንዳንዶቹን ደግሞ ጠበብ አድርጌ ልተርካቸው አስባለሁ፡፡ ብዙ አስደናቂ እውነታዎችን ስላገኘሁባቸው አስደናቂ ልላቸው ወደደኩ፡፡ በእዚህ ዘመን ኖረው ጎደኞቼ ቢሆኑ ወይንም ቤተሰቦቼ ቢሆኑም አሰብኩ፡፡ እውነት ነው በእዚህ ዘመን የእኒህን ጀግኖች ፈለግ የተከተሉም አሉ … ምንም እንኮ በአቅራቢያዬ ብዙ ባይኖሩም…

የተረት መጽሐፍት እና ልብ-ወለዶች …

ሰዎቹ ምእራብዊ ሚስዮናዊ ናቸው፡፡ ስማቸውን ዘነጋሁት፡፡ ኢትዮጲያ ውስጥ ስለነበራቸው የሚስዮናዊ አገልግሎት በጻፉት መጻፈቻው ላይ ያሰፈሩትን አነበብኩ፡፡ በሚስዮናዊ አገልግሎታቸው ካላቸው ትውስታዎች መካከል አንዱ ለአንዲት እናት ወንጌልን ሲነርጉ የእናትየዎ ምላሽ ነበር፡፡ ሚስዩናዊው ወንጌልን ይነግራሉ፡፡ ኢየሱስ ክርስቶስ ለሰው ልጆች ሁሉ እንደሞተ… እርሱን የሚያምኑ ከአጋንንት ነጻ እንደሚወጡ… ከሞቱ በኃላ ከፈጣሪ ጋር እንደሚኖሩ …ሌላም ሌላም…፡፡  ወንጌልን በመስማት ላይ ያሉት ሴት ፊት ላይ የሚነበበውን ነገር ሚስዮናዊው ሲገልጹ … አንዴ የሴትየዎ ፊት ይብራል፣ መልሶ ደግሞ ይደብዝዛል … ብለዋል፡፡ ጸሃፊው የሴትየዎ ፊት መቀያየር ምክንያቱን ለማወቅ ፈለጉ፡፡ ምክንያት ሆኖ የተገኘው የሴትዩዎ ደስታናስጋት መቀላቀሉ ነበር፡፡ ደስታቸው አዳኝ እንዳለ፣ ከአጋንንት ሚጠብቃቸው ሌላ የበላይ እንዳለ መስማታቸው እርሱን በማመን እረፍትን የማግኘት ተስፋቸው ነበር፡፡ ስጋታቸው የሚባለው ነገር በተልምዶ ይሰሙዎቸው የነበሩት የቀድሞ ተረቶች እና የፈጠራ ታሪኮች መካከል አንዱ እንዳይሆንባቸው ነበር፡፡ ደስ አላቸው አዳኝ ስላለ … ሰጉ እንደ ሌሎች ተረቶች ተረት እንዳይሆን ብለው… ፡፡ በእዚህ ምክንያት ፊታቸው አንዴ ፈካ አንዴ ጨለም አለ፡፡

እጅግ መሳጭ ፊልም እየተመለከቱ ምናልባትም በታሪኩ ሃዘን ይሰማዎት ይሆናል፡፡ በእዚህ መሃል የፈጠራ ጽሁፍ መሆኑን ሲያውቁ መለስተኛ እረፍት የሰማዎታል፡፡ የፈጠራ ታሪክ ስለሆነ፡፡ በእውነተኛ ታሪኮች ላይ የተመሰረተ ፊልምን ሲያዩ ግን ሃዘንዎት ወደ ትክክለኛ ሃዘን ይጠጋ ይሆናል…

አድንቆትን የሰጠኃቸው እኒህ በሁለት ኪዳናት መካከል የነበሩት ሰዎች የፈጠራ ሰዎች አይደሉም፡፡ እንደ እኔና እንደ አንባቢው ሰዎች ነበሩ፡፡ ሰው ሆነው የተወለዱ፣ ሰው ሆነው በወቅቱ ማህበራዊ ሕይወት ውስጥ ያለፉ፣ ሰው ሆነው የደከሙ፣ ሰው ሆነው ያዘኑ እንዲሁም የተደሰቱ፣ ሰው ሆነው የሞቱ… ያለፉ፡፡

የተረት መጽሐፍት እና ልብ – ወለዶች በደራሲው የሚፈጠሩ ሰዎች እንዳሉ ያስገነዝቡናል፡፡ እኒህ ሰዎች ግን የደራሲ ፍጡሮች ሳይሆኑ የእግዚአብሔር አምባሳደሮች ነበሩ፡፡ ነበሩ… አልፈዋልና! ግን ልንማርባቸው ይገባናል… ከማለፋችን በፊት ትርጉም ባለው ነገር ልናልፍ ይገባናልና…፡፡

በእዚህኛው ጽሁፌ የኢየሱስን እናት ማርያምን አስነብባለሁ

ማርያም (የኢየሱስ እናት)

ወጣቶቹ በእኔው የእድሜ ክልል ውስጥ ያሉ ናቸው፡፡ ስለ እጮኝነት፣ስለ ትዳር እንዲሁም ስለ ሌሎች ተጎዳኝ ጉዳዮች እየተጫወትን ነው፡፡ እኔም እጮኛ እንዳለችኝ፣ በጣም እንደምወዳት፣ እርሷን ከማግባት ወደኃላ የሚያስብል ምንም ምክንያት እንደሌለኝ ተናገርኩ፡፡ ጨዋታችን እየሰፋ ሄደና በአሁን ዘመን ድንግል የሆነች ሴት በተለይም በከተሞች አከባቢ ማግኘት አስቸጋሪ ነው የሚል ሃሳብ ተነስቶ የተለያዩ ሃሳቦች መቅረብ ጀመሩ፡፡ ሃሳቡን ያቀረበው ወጣት በአብዛኛው ድጋፍ አግኝቷል፡፡ እኔ ግን ስለ እጮኛዬ ድንግል መሆን አንዳች ታክል ጥርጥር እንደሌለኝ ተናገርኩ፡፡ ተሳቀ፡፡ አትሞኝ፣… በምን አወቅክ አሉኝ…. ለማስረዳት ሞከርኩ… አልተስማማንም…

ከተለያየን በኃላ አሰብኩ፡፡ እኒህ የእድሜ እኩዮቼ ሃሳብ በአብዛኛው ተቀባይነት ያለው ይመስለኛል፡፡ እውነታዋን በአብዛኛው በሚል ቀዳሚ ተቀጽላ ከመቀበል ውጪ እጮኛዬ ላይ ልጠቀምበት አልደፈርኩም፡፡ … ጊዜ ይፍታው አልኩ … ጊዜም ፈታው እጮኛዬን በድንግልናዋ የእኔ ሆነች …

ግን የድንግልና መዳረሻ የቱ ጋር ነው፡፡ ግብረስጋ ግንኙነት አለማድረግ ብቻውን ድንግል ያስብል ይሆን? በፍጹም! የከናፍርት ግንኙነት … የድንግልና ማጫ ዋዜማ ነው….!

ይህ የጾታዊ ስሜት ፈተና የሰው ልጆች ፈተና ሆኖ የተጠቀሰው በዘመነ ግሎባላይዜሽን አይደለም፡፡ ገና ያኔ ከዘፍጥረት … አደጋው ተጠቅሶል፡፡ የሰዶምና ገሞራ ጥፋት፣ የብርቱው ታጋይ ሳምሶን ውድቀት፣ የንጉስ ዳዊት ስህተት፣ የምድረበዳው የእስራኤላውያን እልቂት … ድሮ የተከሰተ ታሪክ ነው፡፡

ይህ ፈተና የሰው ልጆች ሁሉ የተፈተኑበት ፈተና ነው ለማለት ያስደፍራል፡፡ ይህ ፈተና አሁንም አለማችንን ቀዳሚ ፈተና ሆኖ እየመራ ያለ ፈተና ነው፡፡ ይህ ፈተና የቤተ-ክርስቲያንን በር እያንኮኮ ያለ ፈተና ነው፡፡ ይህ ፈተና የአለማችን የአንድነት ሃብት የሆነውን የመረጃ መረብ እየረበሸ ያለ ፈተና ነው፡፡

ፈተናውን በድል የተወጡ … ስሜታቸውን የገዙ ሰዎችም የእግዚአብሔር ቅሬታ መሆናቸውን በጭካኔያቸው ያሳዩበት አንዱ መድረክ ነው፡፡ ዩሴፍ ያእቆብ… የያእቆብ ልጅ ዮሴፍ በሽሽት አመለጠው …

እግዚአብሔር ለሰውልጆች ብሎ ያዘጋጀውን የመዳን መንገድ ወደ ምድር ለማውረድ በተነሳ ጊዜ አሻግሮ ወደ ምድር ተመለከተ፡፡ ከሴቶች ሁሉ በቅድስና የተለየች ድንግልን ተመለከተ፡፡ ታላቅ የሆነው የእግዚአብሔር ሃሳብ በእዚች ሴት በኩል እንዲያልፍ ወሰነ፡፡ ኢየሱስ ክርስቶስም በእርሷ በኩል እንዲወለድ የምስራች ይነግራት ዘንድ መላኩ ገብርኤል ተላከ፡፡ መላኩ ገብርኤልም የምስራቹን ነገራት… ይቺ ሴት ኢየሱስን የወለድችው ቅድስት ማርያም ነበረች፡፡

ማርያም በሁለት ኪዳናት መካከል የነበረች ሴት ናት፡፡ በብሉይ እና በሃዲስ፡፡ በአሮጌው እና በአዱሱ፡፡ በጥላው እና በዋናው፡፡ በጊዜያዊው እና በዘላለማዊው፡፡

ይህ ትውለድ… ጸሃፊውእና አንባቢው ከቅድስት ማርያም ህይወት ምን ይማራል ብለን ብናስብ የምናገኘው መልስ ደማቅ ይሆናል

    ከማርያም ለቅድስና ቅድሚያ መስጠትን እንማራለን

እግዚአብሔር በዘመናት መካከል የሚሰራው ስራ አለው፡፡ በአብርሃም ዘመን የነበረውን ስራ በአብርሃም እና በሌሎች ወገኖች በኩል ሰራ፡፡ በዳዊት ዘመን የነበረውን ስራ በዳዊት እና በወቅቱ በነበሩት ወገኖች ሰራ፡፡ በኤርምያስ ዘመን የነበረውን ስራ በኤርምያስ እና በሌሎች ወገኖች ሰራ፡፡ በዳንኤል ዘመን የነበረውን ስራ በዳኔኤል እና በሌሎች ወገኖች ሰራ፡፡ እንዲሁም በማርያም ዘመን የነበረውን ሥራ በማርያምእና በሌሎች ወገኖች ሰራ፡፡ እግዚአብሔር በእዚህ ዘመን ሊሰራ የሚያስበውን ሥራ የሚሰራባቸው ሰዎች ምንኛ የተባረኩ ናቸው፡፡ ከእነርሱ መካከል እሆን ዘንድ እሻለሁ፡፡ ለቅድስና ቅድሚያ የሰጡ… ለእግዚአብሔር ሃሳብ እራሳቸውን የለዩ… ምናምንቴን ነገር የማይደባልቁ እነርሱ የእግዚአብሔር ገንዘቦች ናቸው፤ ማርያም በዘመኗ የእግዚአብሔርን ሥራ እንደሰራችው…

ከማርያም ለእግዚአብሔር ሃሳብ መታዘዝን እንማራለን

መላኩ ቅዱስ ገብርኤል የምስራቹን ቃል በነገራት ጊዜ “…እነሆኝ የጌታ ባሪያ እንደ ቃልህ ይሁንልኝ…” በማለት ተቀበለች፡፡

ያለ ትዳር አርግዞ መገኘት በሚያስወግርበት ሃገር … ለእግዚአበሔር ሃሳብ ለመገዛት እራሶን አስጨከነች፡፡ ድንቅ ሴት ነበረች፡፡

መላኩ ገብርኤል የምስራች ይዞ ወደ መጥምቁ ዩሐንስ አባት ዘካርያስ ዘንድ በሄደ ጊዜ ዘካርያስ ለማመን ቸገረው፡፡ ስለአለማመኑም ዲዳ ሆነ፡፡ መናገር አቃተው፡፡ ማርያም ግን ለማመን ደግሞም ለመቀበል ቆረጠች …

የእግዚአብሔርን ቃል የማመን አቅማችን ምን ያህል እንደሆነ እራሳችን እንመዘን፡፡ እርግጥ ነው … ቃሉን ቀንበቀን እንሰበካለን… እርግጥነው መጽሐፍ ቅዱስ የሚለውን እናነብ ይሆናል … ግን እምነታችን ምን ያህል ነው፡፡ የእግዚአብሔርን ቃል ለሕይወታችን ያለውን ሃሳቡን ተቀብለን፣ አመነን እንድንኖርበት የመንጨክነው ስንቶቻችን እንሆን?

የእግዚአብሔርን ቃል በማመን እና በእግዚአብሔር ቃል በመኖር እግዚአብሔር በእዚህ ዘመን እየሰራ ባለው ስራ ተካፋዮች እንሆናለን፡፡

ዛሬ የወንጌልን ቃል ለሰው ልጆች ሊያደርሱ የወጡ ደስ ይበላቸው … እነርሱ እግዚአብሔር በእዚህ ዘመን እየሰራ ያለው ሥራ ተካፋዮች ሆነዋልና፡፡ የእዚህ ሥራ ተካፋዮች ለመሆን ቃሉን ማምን… ቃሉን ማመን… በቃሉ መኖር ግድ ይላል፡፡ በክርስቶስ እና በወንጌሉ ቃሉ የምናፍር ወዮልን በአብ ፊት ወልድ ያፍርብናልና፡፡ ወልድን ክርስቶስን በልባችን ዙፋን ላይ በወጉ ያላስቀመጥን ወዮልን መንፈስ ቅዱስ ከእኛ ጋር አይደለምና፡፡

ሰው ወንጌልን ሰምቶ የእግዚአብሔር ቃል የሆነውን ክርስቶስን አምኖ ሲኖር መንፈስ ቅዱስን ይቀበላል፡፡ ምንፈስ ቅዱስ … ቅዱስ ነውና ቀድሞ የተቀደሰ ስፍራን ይፈልጋል፡፡ ክርስቶስን በማመን የኃጢአቱን ስርየት ያገኘ … በእግዚአብሔር ቃል ቀን በቀን በመኖር በቅድስና የተገኘ ሰው እርሱ መንፈስ ቅዱስን የማግኘት ሙሉ መብት አለው፡፡

ማርያም የመጣወን የእግዚአብሔርን ሃሳብ በማመን እና በመቀበሏ እንደ ዘካርያስ ዲዳ ከመሆን ዳነች … ለእኛም እንማርባት ዘንድ ምክንያት ሆነች፡፡ የእግዚአብሔር ቃል … የእግዚአብሔር ቃል …. የእግዚአብሔር ቃል …. ምን ያህል በልባችን ውስጥ ይሰማናል? ምንያህልስ እርምጃችን በእዚህ ቃል ይገለጻል …

ከማርያም ስለ ማህበራዊ ሕይወት መፍትሄነት እንማራለን

የኢየሱስ ክርስቶስን ወንጌል ለመጻፍ እግዚአብሔር የተጠቀመባቸው አራት ሰዎች ናቸው፡፡ ከአራቱ ሁለቱ ሐዋርያት ሲሆኑ፣ ሁለቱ ደግሞ የኢየሱስ ተከታይ ከነበሩት ሰዎች መካከል የተቆጠሩ ናችው፡፡ ማቲዎስ እና ዩሐንስ ሐዋርያት ሲሆኑ ማርቆስ እና ሉቃስ ከሌሎች የእዚያን ወቅት የኢየሱስ ክርስቶስ ተከታዮች መካከል የተቆጠሩት ናቸው፡፡ ከሐዋርያት የወንጌል ጸሃፊዎች መካከል ዩሐንስ አንዱ ነው፡፡ በእግዚአብሔር መንፈስ ማነሳሳት እና እርዳታ ዩሐንስ በጻፈው የወንጌል  ቃል ሁለተኛው ምእራፍ ውስጥ ማርያም ስለተገኘችበት የሰርግ ስነስርአት እናነባለን፡፡

በእዚህ የሰርግ ቦታ ለሰርጉ የተዘጋጀው የወይን ጠጅ የታደመው እድምተኛ ስላልተጣጣመ የወይን ጠጁ ሁሉን በወጉ ሳይስተናገድ አለቀ፡፡

ዩሐንስ እንዲህ ሲል ይህን ሁኔታ ይገልጸዋል “በሦስተኛውም ቀን በገሊላ ቃና ሰርግ ነበረ፥ የኢየሱስም እናት በዚያ ነበረች፤ ኢየሱስም ደግሞ ደቀ መዛሙርቱም ወደ ሰርጉ ታደሙ። የወይን ጠጅም ባለቀ ጊዜ የኢየሱስ እናት። የወይን ጠጅ እኮ የላቸውም አለችው።” ዩሐንስ 2፡1-2

ማርያም ለሁኔታው መፍትሄ መመልከት ጀመረች፡፡ ወደ ኢየሱስ አየች፡፡ የወይን ጠጅ የላቸውም አለችው፡፡ እስኪ ቆም ብለን እናስብ፡፡ ማርያም የወይን ጠጅ ማለቁን ለምን ለኢየሱስ መንገር አስፈለጋት? ለእኔ የገባኝ ምክንያት ኢየሱስን በደንብ እንደምታውቀው ያስገነዝበኛል፡፡ አንዳች ታምራት ማድረግ እንደሚችል አውቃለች፡፡ ስለእዚህ ኢየሱስን ጠየቀችው፡፡ ምናልባት በእዚያ ቅጽበት ሁኔታውን ያስተዋሉ ማለትም የወይንጠጅ ማለቁን ያወቁ የሰርጉ እድምተኞች እያሽሟጠጡ ይሆናል፡፡ ማርያም ግን በኢየሱስ ውስጥ ያለውን መለኮታዊ አቅም ተርዳታለችና ነገረችው፡፡

ዛሬም በዙሪያችን ያለውን ማህበራዊ ሁናቴ ስንመለከት በርካታ ምስቅልቅሉ የወጣ የማህበራዊ ሕይወት ቀውሶችን እናያለን፡፡ ማርያም ኢየሱስን የጠየቀችበት የሰርግ ስንስርአት ማህበራዊ ቀውስ አድርገን የምንወስደው አይደለም፡፡ ዛሬ እጅግ የከፈ ቀውስ ውስጥ አለን፡፡ በፓለቲካው፣ በማህበራዊ ረገድ፣ በንግድ ስርአቱ፣ በቤተ-ክርስቲያን እንዲሁም በአራቱም አቅጣጫ የፈራረሰ በርካታ ጉዳይ አለ፡፡ መፍትሄው አንድ ነው … መፍትሄው ኢየሱስ ክርስቶስ የእግዚአብሔር ልጅ ነው፡፡ ዛሬ እኔናአንባቢው በእራሳችን ላይ ኢየሱስ ክርስቶስን በአግባቡ ብንሾም ለማህበራዊ ቀውስ አባባሾች ከመሆን በዳን ነበር፡፡

ማርያም ጠንካራ የሆነ ማህበራዊ ሕይወት ከመኖሯ ባሻገር ሰዎች ለተቸገሩበት ነገር ኢየሱስን ታማክረው ነበር፡፡ ዛሬም ኢየሱስ ክርስቶስን ብንጠራው ይሰማናል … ቤታችንን ማሳመር ይችላል …ሕይወታችን ሕይወት … ሕይወት እንዲሸት ማድረግ ይችላል፡፡

 

ከማርያም ከወገኖች ጋር ሕብረት ስለማድረግ እንማራለን

30 አመታት ሳይገለጥ ኖረ … 3 አመታት አገለገል … በ33ኛው አመቱ ሞተ…ተቀበረ…ተነሳ…ወደ ሰማይ አረገ… ኢየሱስ ክርስቶስ፡፡

ኢየሱስ ክርስቶስ በሚያርግበት ጊዜ የደቀመዛሙርቱን ስሜት ምን እንደነበር ለማወቅ የምንቸገር ይመስለኛል፡፡ ግርታው መኖሩ ግን አጠያያቂ አይደለም፡፡ ከእርገቱ በፊት ደጋግሞ እየተገለጠ እንደተናገራቸው የወንጌል ጸሃፍት በአግባቡ ዘግበውታል፡፡

ሙያው ሕክምና እንደነበር የሚነገርልት ሉቃስ ነበር የሉቃስ ወንጌልን እና የሐዋርያትን ሥራ መጽሃፍት እንዲያዘጋጅ እግዚአብሔር የተጠቀመበት፡፡ ሉቃስ በሐዋርያት ሥራ በመጀመሪያው ምእራፍ ውስጥ ኢየሱስ ክርስቶስ ካረገ በኃላ የሆነውን ሲጽፍ… ሐዋርያት ሥራ 1፡1-14

1-2 ቴዎፍሎስ ሆይ፥ ኢየሱስ የመረጣቸውን ሐዋርያትን በመንፈስ ቅዱስ ካዘዛቸው በኋላ እስከ ዐረገበት ቀን ድረስ፥ ያደርገውና ያስተምረው ዘንድ ስለ ጀመረው ሁሉ መጀመሪያውን ነገር ጻፍሁ፤

3 ደግሞ አርባ ቀን እየታያቸው ስለ እግዚአብሔርም መንግሥት ነገር እየነገራቸው፥ በብዙ ማስረጃ ከሕማማቱ በኋላ ሕያው ሆኖ ለእነርሱ ራሱን አሳያቸው።

4 ከእነርሱም ጋር አብሮ ሳለ ከኢየሩሳሌም እንዳይወጡ አዘዛቸው፥ ነገር ግን። ከእኔ የሰማችሁትን አብ የሰጠውን የተስፋ ቃል ጠብቁ፤

5 ዮሐንስ በውኃ አጥምቆ ነበርና፥ እናንተ ግን ከጥቂት ቀን በኃላ በመንፈስ ቅዱስ ትጠመቃላችሁ አለ።

6 እነርሱም በተሰበሰቡ ጊዜ። ጌታ ሆይ፥ በዚህ ወራት ለእስራኤል መንግሥትን ትመልሳለህን? ብለው ጠየቁት።

7 እርሱም። አብ በገዛ ሥልጣኑ ያደረገውን ወራትንና ዘመናትን ታውቁ ዘንድ ለእናንተ አልተሰጣችሁም፤

8 ነገር ግን መንፈስ ቅዱስ በእናንተ ላይ በወረደ ጊዜ ኃይልን ትቀበላላችሁ፥ በኢየሩሳሌምም በይሁዳም ሁሉ በሰማርያም እስከ ምድር ዳርም ድረስ ምስክሮቼ ትሆናላችሁ አለ።

9 ይህንም ከተናገረ በኋላ እነርሱ እያዩት ከፍ ከፍ አለ፤ ደመናም ከዓይናቸው ሰውራ ተቀበለችው።

10 እርሱም ሲሄድ ወደ ሰማይ ትኵር ብለው ሲመለከቱ ሳሉ፥ እነሆ፥ ነጫጭ ልብስ የለበሱ ሁለት ሰዎች በአጠገባቸው ቆሙ፤

11 ደግሞም። የገሊላ ሰዎች ሆይ፥ ወደስማይ እየተመለከታችሁ ስለ ምን ቆማችኋል? ይህ ከእናንተ ወደ ሰማይ የወጣው ኢየሱስ ወደ ሰማይ ሲሄድ እንዳያችሁት፥ እንዲሁ ይመጣል አሉአቸው።

12 በዚያን ጊዜ ደብረ ዘይት ከሚባለው ተራራ ወደ ኢየሩሳሌም ተመለሱ፥ እርሱም ከኢየሩሳሌም የሰንበት መንገድ ያህል የራቀ ነው።

13 በገቡም ጊዜ ወደሚኖሩበት ሰገነት ወጡ፥ ጴጥሮስና ዮሐንስም፥ ያዕቆብም፥ እንድርያስም፥ ፊልጶስም፥ ቶማስም፥ በርተሎሜዎስም፥ ማቴዎስም፥ የእልፍዮስ ልጅ ያዕቆብም፥ ቀናተኛ የሚባለው ስምዖንም፥ የያዕቆብ ልጅ ይሁዳም።

14 እነዚህ ሁሉ ከሴቶችና ከኢየሱስ እናት ከማርያም ከወንድሞቹም ጋር በአንድ ልብ ሆነው ለጸሎት ይተጉ ነበር።

ወቅቱ እየሩሳሌም በአዳዲስ ክስተቶች የተሞላችበት ወቅት ነበር፡፡ በተለይ ለኢየሱስ ተከታዮች ሁኔታው ህልም…ህልም ይመስላቸው ይሆናል፡፡ እኔ በእዚያን ዘመን በእዚያ ቦታ ሆኜ ብሆን ብለን ብናስብ ምናልባት ሁኔታዎችን በተሻለ ሁኔታ እንረዳው ይሆናል፡፡ እስኪ ሐዋርያው ጲጥሮስን ሆነን ለማሰብ እንሞክር፡፡ ኢየሱስን ተከተለ … ስለ ሞቱ ሲናገር ሰማው …አይሆንብህ አለው… ኢየሱስም ገሰጸው… የመጨረሻው ጽዋውን የሚጠጣበት ጊዜ እንደቀረበች እንዲሁም ሁሉም እንደሚተውት ሲናገር ሰማው … ጴጥሮስ ግን ሁሉ ቢተውህ እኔ ግን አልተውህም አለው … ኢየሱስም ለጴጥሮስ እንደሚክደው በምልክት ነገረው … ሁሉም ሆነ … ጴጥሮስም ካደው … ኢየሱስም በአደባባይ ተሰቅሎ ሞተ … ሁሉም ተበተኑ … በሦስተኛው ቀን የመነሳቱ ዜና ተሰማ … ጴጥሩስ ወደ መቃብሩ ስፍራ ሮጠ… ኢየሱስ በመቃብሩ የለም … ተሰብስበው ሳሉ … ሰላም ለእናንተ ይሁን በማለት ኢየሱስ በተዘጋው በር ገብቶ በመካከላቸው ሆነ …

አስብ/ቢ… ጴጥሮስ በእዚህ ሁሉውስጥ ምን ይሰማው ይሆን … ነገሮች ሁሉ ህልም፣ቅዥት… ምትሃት ወይስ ድራማ ይመስለው ይሆን? … ይህ ሁሉ ሆነ ኢየሱስ ወደ ሰማይ ሊያርግ ተነሳ … ተከታዮቹም ሸኙት … እኒህ ጀግና የእግዚአብሔር አገልጋዮች ኢየሱስ ክርስቶስ አይናቸው እያያቸው ወደ ሰማይ ሲያርግ ተመለከቱ … ከአይናቸው እስኪሰወር በአይናቸው ሸኙት … ኢየሱስ አረገ … አሁን በሁሉም ውስጥ አንድ ጥያቄ ሊኖር ይችላል ሕይወት እንዴት ይቀጠላል? ወደ ኢየሩሳሌም ተመልሰው ጸሎት ጀመሩ ከእነርሱም መካከል የኢየሱስ እናት ማርያም አብራ ነበረች፡፡ አብረው ጸለዩ… ቀናትን በጸሎት እና በሕብረት አሳለፉ … መንፈስቅዱስ መጣ … ቤተ-ክርስቲያን ተወለደች…

ቤተ ክርስቲያን በክርስቶስ መሰረትነት እንድትወለድ እግዚአብሔር ባሰበው ወራት የሥራው ተካፋይ ከሆኑት ሰዎች መካከል ማርያም አንዷ ነበረች …፡፡

ከወገኖች ጋር ሕብረት በማድረግ ማለትም በጸሎት እና በቃሉ ትጋት የእግዚአብሔር የጊዜው ሃሳቡ ይፈጸማል፡፡ ዛሬ የእግዚአብሔር ሃሳብ ሰዎች በልጁ በኢየሱስ ክርስቶስ አምነው የዘላለም ሕይወትን እንዲያገኙ፤ ከዘላለም ፍርድ እንዲወጡ ነው፡፡ ማርያም ከወገኖች ጋር ሆና ትጸልይ ነበር፡፡ ዛሬም ከወገኖች ጋር ሕብረት በማድረግ ለእኛ ዘመን የተወሰነውን የእግዚአብሔርን ሃሳብ ልናገለግል ይገባናል፡፡ ይህንንም ከማርያም እንማራለ፡፡

ይህን ጽሁፍ ለመቋጨት ልሞክር፡፡ የመነሻ ርእሴ በሁለት ኪዳናት መካከል የነበሩ አስደናቂ ሰዎችን ማንሳት ነው፡፡ ከእኒህ አስደናቂ ሰዎች የሕይወት ጉዞ መጽሐፍ ቅዱስ ከሚያስቀምጥለን እውነታዎች ተነስተን መማር፡፡ ወናው የጽሑፉ አላማ ታሪክን ማወቅ ሳይሆን ከእኒህ ሰዎች መማር ነው፡፡ በእዚህ በመጀመሪያው ገለጻ ኢየሱስ ወደ ምድር በመጣ ጊዜ የተወለደባትን ማርያምን ተመልክተናል፡፡ ከማርያም ሕይወት

  1. ለቅድስና ቅድሚያ መስጠትን
  2. ለእግዚአብሐር ሐሳብ መታዘዝን
  3. ለማህበራዊ ሆነ ለሌሎች ችግሮች ለኢየሱስ መንገርን
  4. ከወገኖች ጋር በጸሎት በመሆን የእግዚአብሔርን ሃሳብ በአንድነት ማገልገልን ተምረናል፡፡

በቀጣይ ጽሁፍ እስከምንገናኝ ለሁላችሁ ሰላም ይሁን

ሐብታሙ ኪታባ  

Tag Cloud